"Teenage Pregnancy"

        Alam mo bang dumadami ang mga batang may anak? O kaya, mga batang nabubuntis sa murang edad? Nakakagulat dahil mas madaming mga batang magulang ngayon. Sa ating bansa may mga Pilipina na may edad 15 – 19 na taong gulang ay buntis o di kaya mga ina na. Ang mga kabataang nabubuntis ay maaaring ikasira ng kanilang buhay at kawalan ng maayos na pamumuhay. Ang isang pinaka-dahilan o epekto ng teenage pregnancy ay ang sintomas ng kahirapan. Madaming mga kabataang mahihirap na may anak dahil hindi sila nakapag-aral, hindi sila makakapag-trabaho dahil hindi wasto ang kanilang pinag-aralan. Ang teenage pregnancy ay isa sa mga tampok na issue na lumalaganap sa ating bansa. Hindi parin ito naiiwasan, lalo na sa bansang Pilipinas. Sa henerasyon ngayon ay laganap ang pagkakaroon ng relasyon lalo na sa mga kabataan at nauuwi sa pakikipag-tatalik. Kinahahantungan rin ito ng masamang epekto para sa mga dalagang babae na nakikipag-talik nang wala pa sa tamang edad. Karamihan din sa mga ito ay wala pa sa wastong pag iisip para gawin ang isang bagay. Ang teenage pregnancy ay may malaking epekto o implikasyon sa health care ng bansa, ito ang malaking health risk. Ang mga batang magulang o maagang nabubuntis ay hindi pa lubos ang kaalaman at hindi pa lubos na handa sa mga responsibilidad na haharapin nila. Ang issue na ito ay makakatulong sa pagmulat sa mga kabataan ang masamang maidudulot ng sobrang kapusukan ng pakikipagtalik ng mga kabataan ng walang basbas ng kasal. Ito din ay makakatulong na magbigay ng impormasyon sa paggabay at pagdisiplina sa mga kabataan. Maraming dahilan at rason kung bakit maagang nabubuntis ang mga kabataan, madaming epekto ito sa ating sarili at ekonomiya. Maaari nating mapigilan ang paglaganap ng mga batang ina o ang teenage pregnancy, ang kailangan natin ng sapat na kaalaman dito. Makakatulong din ang pagpapatatag ng pamilya ito ay isa sa mga makapangyarihang tugon sa isyu na ito. Kailangan, mabigyan ang kanilang pamilya at anak ng mga kasanayan na maaring makatulong sa kanila upang magdesisyon nga mainam at tama para sa kanilang sarili, kailangan silang mabigyang gabay at suporta sa kanilang mga desisyon. Ang paggabay at pagtulong ng pamilya ay isa sa mga maaring makatulong sa isyu na kinakaharap ng ating bansa.

*( ang mga litrato ay nakuha lamang namin sa internet)

Edceleen Calar

Lorydela Agustin

Jann Mitzie Briones